छबिस पाथिभेरा गाउँपालिका – २ का वडाध्यक्ष पविन्द्र मण्डेलले आफू होटेलमा सुतेको अवस्थामा प्रहरीले लिएर गएको बताएका छन् । नेपाल एङ्गलसँग कुरा गर्दै अध्यक्ष मण्डेलले आफू सुतिरहेको अवस्थामा प्रहरीले पक्राउ गरेको बताएका हुन् ।
होटेलमा अन्य व्यक्तिहरूले म्यारिज खेलेको भएपनी आफू सुतिरहेको उल्लेख गरे । उनले भने, म धनगढी स्थित कमल रोशन होटेलमा सुतिरहेको थिए । राती त्यही होटेलमा अन्य साथीहरू आएर जुवा खेलिरहेका रहेछन् । मलाई केहिपनि थाहा थिएन । एक्कासि प्रहरी आएर पक्राउ गरे,’ उनले थपे, ‘म जुवा खेलमा संलग्न नहुँदा पनि बेईजेत गराउने षड्यन्त्र भएको महसुस भएको छ ।’
अध्यक्ष मण्डेल सहित बझाङका ८ जनालाई गत शुक्रवार राती धनगढी उपमहानगरपालिका–४ स्थित बझाङको बित्थडचिर गाउँपालिकाका जीवन बोहराले सञ्चालन गरेको कमल रोशन होटेलबाट कैलाली प्रहरीले नियन्त्रणमा लिएको थियो ।