बझाङमा एक जनाको खुकुरी प्रहार गरि हत्या गरिएको छ । छबिसपाथिभेरा गाउँपालिका वडा नम्बर ७ घट्टेका करिब ६० वर्षिय जैलु मण्डेलको सोही ठाउँका करिब ५५ वर्षिय बिजुली मण्डेलले खुकुरी प्रहार गरि हत्या गरेका हुन् ।
शुक्रबार (आज) साँझ ७: ३० बजे हत्या गरि फरार भएको स्थानीय मिन बहादुर मण्डेलले बताएका छन् । उनका अनुसार सामान्य बोलचाल हुँदा बिजुलीले जैलुको घर आँगनमै गएर खुकुरी प्रहार गरि हत्या गरेका हुन् ।
प्रहरीका अनुसार हत्यारा बिजुलीको लोकेसन ट्र्याक गरेर खोजी भइरहेको र केहीबेरमै पक्राउ पर्ने सम्भावना रहेको छ ।