बझाङमा चितुवाको छाला सहित एक जना पक्राउ परेका छन् । पक्राउ पर्नेमा थलारा गाउँपालिका -८ गन्डाउनीका खगेन्द्र राज जोशी रहेका छन् ।
जोशीलाई आज साँझ साढे सात बजेको समयमा जयपृथ्वी नगरपालिका- १० चैनपुर बजारमा पैदल हिँडिरहेको अवस्थामा समातिएको हो ।
जिल्ला प्रहरी कार्यालय बझाङबाट प्रहरी निरीक्षक किशोर जोशीको कमान्डमा खटी गएको प्रहरी टोलीले शङ्काको आधारमा चेकजाँच गर्ने क्रममा जोशीले हातमा बोकेको सिमेन्टको कट्ठा भित्र लुकाई छिपाई राखेको टाउको देखी पुच्छर सम्मको ८ फिट २ ईन्च लम्बाइ र छातीको ३ फिट २ इन्च चौडाइ भएको सेतोमा कालो, खैरो रङ्गको बुट्टा भएको दाँत र पन्जा सहितको चितुवाको छाला फेला पारी बरामद गरिएको हो ।
खगेन्द्र राज जोशीलाई पक्राउ गरी थप अनुसन्धानको लागि जिल्ला प्रहरी कार्यालयको हिरासतमा राखिएको र थप अनुसन्धान कार्य भइरहेको जिल्ला प्रहरी कार्यालय बझाङले जनाएको छ ।
