नेत्र विक्रम चन्द विप्लव नेतृत्वको (नेकपा) को विद्यार्थी संगठन अनेरास्ववियू (क्रान्तीकारी) महासचिव ललित विक पक्राउ परेका छन् । विकलाई शुक्रबार राति ९ बजे प्रहरीले कीर्तिपुरबाट पक्राउ गरेको अनेरास्ववियू अध्यक्ष प्रकाश शाहीले विज्ञप्तिमार्फत बताएका छन ।
राजनितिक रुपले आफ्नो विचारहरु राखिरहेको र जनतालाई सुसूचित गरिरहेको पार्टी, संगठन र यसका नेता÷कार्यकर्ताहरुलाई सरकारले दमन गरेको भन्दै सो विद्यार्थी संगठनले आपत्ति जनाएको छ ।
’गिरप्तारमा परेका महासचिव विकलाई विनासर्त तत्काल रिहाइ गर्न जोडदार माग गर्दछौं,’ विज्ञप्तिमा भनिएको छ ।