बझाङ : साइपाल गाउँपालिका–३ काँडाका ३६ वर्षीय प्रेमबहादुर बोहरा खोलामा खसेर बेपत्ता भएको दुई हप्ता बितिसक्दा पनि अझैसम्म फेला परेका छैनन् ।
बोहरा साउन १५ गते जडीबुटी टिप्नका लागि अम्लागाडलेक गएका थिए । गत भदौ ३१ गते मंगलबार राति घर फर्किने क्रममा घट्टेगाड थरुनी खोलास्थित काठेपुलबाट खसेका थिए ।
घटनापछि प्रहरी टोली र स्थानीयवासीले निरन्तर खोजीकार्य गरे पनि बोहरा भेटिएका छैनन् । परिवारजन भने अझै पनि उनी सकुशल फेला पर्ने आशामा छन् ।