बझाङ : धनगढीमा मोटरसाइकल दुर्घटनामा परि बझाङका एक प्रहरी जवानको मृत्यु भएको छ । बझाङको जयपृथ्वी नगरपालिका–१० खेइराका २८ वर्षीय भुवन खड्काको मंगलबार मोटरसाइकल दुर्घटनामा परि मृत्यु भएको हो । उनी धनगढीमा घुमुवा प्रहरीको रुपमा कार्यरत थिए ।
खड्का केही दिनअघि मात्र बझाङबाट धनगढी तानिएका थिए । प्रहरीका अनुसार दुर्घटनापछि नेपाली सेनाको स्काईट्रकमा काठ्मान्डौं स्थित ट्रमा सेन्टरमा थप उपचारको लागी लगिएको थियो । उपचारको क्रममा उनको मृत्यु भएको हो ।
दुर्घटनाको कारणबारे थप अनुसन्धान भइरहेको सुदुरपश्चिम प्रदेश प्रहरी कार्यालय कैलालीले जनाएको छ ।