सडक दुर्घटनामा परेर घाइते भएका केदारस्युँ-८ बझाङका नवीन जोशीको उपचारको लागि सहयोग रकम जुटिरहेको छ । नवीन विगत दुई महिनादेखि नेपालगन्जको नर्सिङ होममा उपचाररत छन् ।
मोटरसाइकल दुर्घटनामा परेर टाउकोमा गम्भीर चोट लागेका नवीन अझै होसमा आउन सकेका छैनन् । चिकित्सकहरूले अझ केही समय निरन्तर उपचार गर्नुपर्ने बताइरहेका छन् ।
लामो उपचार र औषधि खर्चका कारण परिवार गम्भीर आर्थिक सङ्कटमा परेपछि सहयोग रकम जुटाउन परिवारले आव्हान गरेको हो । अहिले मनकारी व्यक्तिहरूबाट सहयोग प्राप्त भइरहेको छ ।
केदारस्युँ-८ मा रहेको कैलाश माध्यमिक विद्यालयका सबै शिक्षक स्टाफहरूले आफ्ना पूर्वविद्यार्थी नविनको उपचारार्थ २५ हजार रुपैयाँ सहयोग गरेका छन् । घाइते नवीनका दाइ चन्द्र जोशीले सहयोगको लागि सबैलाई आव्हान पनि गरेका छन् ।