गायिका समीक्षा अधिकारीलाई पछिल्लो समय सामाजिक सञ्जालमा आउने गालीले तनाव दिइरहेको छ । एक नायकसँगको प्रकरणमा मुछिएपछि समीक्षालाई सामाजिक सञ्जालमा अपशब्द प्रहार गर्नेको जमात उस्तै छ । केही अघिसम्म सामाजिक सञ्जालमा आउने गाली तथा अपशब्दलाई बेवास्ता गरिरहेकी समीक्षा अहिले भने प्रतिकारमा उत्रिएकी छन् ।
समीक्षाले आइतबार बिहान फेसबुक स्ट्याटस लेख्दै अपशब्द प्रयोग गर्नेलाई साइबर अपराधको मुद्दा लगाउने चेतावनी दिएकी थिइन् । उनले लेखेकी थिइन्, ‘मान्छेहरू हजारौँ वर्षदेखिको सामाजिक कमजोरीहरू देख्दैनन्, महिलामाथिको अन्याय र विभेद जान्दैनन्, एउटी नारीको चरित्रमा प्रश्न गर्छन् । आकाशमा उड्ने पन्छीलाई केही बेरको हुस्सु र तुवाँलोले त्यति ठुलो फरक पार्दैन । नकारात्मक कमेन्ट जति गर्छौ गर, देशमा साइबर अपराधको कानुन पनि छ ।’
तर, समीक्षाको उक्त स्ट्याटसमा अपशब्द प्रयोग गर्नेहरू अझै सक्रिय भएका देखिन्छन् । त्यसकै निरन्तरता स्वरूप समीक्षाले सोमबार बिहानै अर्को स्ट्याटस लेखेकी छन् । जहाँ उनी भन्छिन्, ‘दिदीले भन्नुहुन्थ्यो, ‘जाँड खाएर कुट्ने लोग्नेसँग जाँडै खाएर लड्नुपर्छ, यो कुरा मलाई पनि ठिकै लाग्छ । नबोले त यहाँ हेप्छन्, घस्यौटाहरू मनलागी उड्छन् ।’
यस्तो छ गायिका समीक्षा अधिकारीको पछिल्लो स्टाटसः