बझाङमा पसलमा चोरी गर्ने व्यक्ति पक्राउ परेका छन् । जिल्लाको छबिसपाथिभेरा गाउँपालिका-१ भाँडेबजारमा पसल सञ्चालन गरी बस्ने दमन रावत, कुम्भ राज उपाध्याय र दिनेश बि.क.को पसलमा चोरी गरेको आरोपमा सोही ठाउँका २५ वर्षीय हिक्मत गिरीलाई प्रहरीले पक्राउ गरेको हो ।
गिरिले असार २९ गते राती भाँडेबजारका तीन पसलबाट रिचार्ज कार्ड र नगद चोरी भएको भनी अस्थायी प्रहरी पोस्ट बगडगाँउमा संयुक्त रूपमा निवेदन दिएको हुँदा अनुसन्धान गर्दै जाँदा हिजो २ गते गिरीलाई चैनपुर बजारमा रिचार्ज कार्ड बेचिरहेको अवस्थामा फेला पारी प्रहरीले नियन्त्रणमा लिएको हो ।
प्रहरीका अनुसार बिस हजार बराबरको रिचार्ज कार्ड र नगद १३ हजार ८ सय ९५ सहित बरामद गरी जिल्ला प्रहरी कार्यालय बझाङमा ल्याई थप अनुसन्धान भईरहेको छ ।