साइन स्टार युवा क्लब सैन गाउँले आयोजना गरेको साइन स्टार कप क्रिकेट प्रतियोगिता आजबाट सुरु हुँदै छ । क्लबले बडा दसैँ तथा शुभ- दीपावलीको अवसरमा आयोजना गरेको खुल्ला क्रिकेट प्रतियोगिता आजबाट सञ्चालन हुन लागेको हो । प्रतियोगितामा जिल्लाभरका २८ टिमले दर्ता गराएका छन् ।
जिल्ला स्तरीय खुल्ला क्रिकेट प्रतियोगितामा ठुलो धनराशि पुरस्कारको व्यवस्था गरिएको छ । प्रथम पुरस्कार नगद १ लाख २४ हजार ४ सय ४४ सहित ट्रफी, मेडल र प्रमाणपत्र रहेको छ । यस्तै दित्तिय पुरस्कार नगद ६४ हजार ४ सय ४४, ट्रफी, मेडल र प्रमाणपत्रको व्यवस्था गरिएको आयोजक साइन स्टारले जानकारी दिएको छ । यस्तै प्रत्येक खेलमा म्यान अफ द म्याच र म्यान अफ द सिरिजको पनि व्यवस्था गरिएको छ ।
टुर्नामेन्ट खेल्न सुर्मा गाउँपालिका भित्र बाट मात्रै २२ टिमले टिम दर्ता गराएका छन्, भने जिल्लाका अन्य ठाउँबाट ६ टिमले दर्ता गराएका छन् ।
जसमा सोभान स्मृति क्लब दुर्गाथली- ७, टिकापुर युवा क्लब दुर्गाथली- ७, सुर्मा गाउँपालिका- २, एनवाइसी डोगडी सुर्मा – २, हरिचन्द्र स्मृति क्लब सुर्मा- २, सुर्मा सरोवर युवा क्लब सुर्मा – ४, साइन स्टार युवा क्लब सुर्मा- ५, सुर्मा गाउँपालिका – ३, युनिक मोसन युवा क्लब सुर्मा -३, डायमन्ड टिम, जयपृथ्वी नगरपालिका – ११, जयपुर क्लब सुर्मा- ४, जी वाइ सी घोगाडा सुर्मा- २, लालिगुँरास युवा क्लब सुर्मा-१, एम वाइ सी सैन दुर्गाथली-५, एन वाइ सी सुर्मा – १, डी वाइ सी सुर्मा – १, सायर स्टार युवा क्लब सुर्मा- ३, काटै एक्सप्रेस न्यु सुर्मा – ३, जनशक्ति युवा क्लब छबिस पाथिभेरा, बामन्की सुपर स्टार लायन्स सुर्मा – ३, जी वाइसी गोतन्न सुर्मा- ३, साइन स्टार युवा क्लब सुर्मा- ५, दहताल स्पोर्ट्स क्लब सुर्मा -४, जयपुर (बि) सुर्मा – ४, अङ्कित जनरल स्टोर बझाङ र जे एसएस जनपा ७ रहेका छन् ।