छबिस पाथिभेरा गाउँपालिका-३ कुम्डामा एक घरमा अज्ञात व्यक्तिले आगजनी गरेका छन् । छबिस पाथिभेरा गाउँपालिका- ३ बान्निकोटका गगन बहादुर बोहराको कुम्डामा रहेको घरको छानोमा आगजनी गरेको हो । मङ्गलवार घरको छानोमा आगजनी गरेको बोहराले बताएका छन् ।
कुम्डाका बासिन्दा काँक्रेऔंसी मेलामा गएको मौका छोपी अज्ञात व्यक्तिले आगजनी गरेको उनले बताए । घरको छानोमा आगजनी भएको आज बुधवार मात्रै आफूलाई थाहा भएको बोहराले बताए ।
आगजनीबाट घरमा भएका सर सामाग्री, नयाँ घर बनाउनलाई निकालेर राखिएको काठ लगायत जलेर नष्ट भएको छ । घर जलेर पुर्णरुपमा ध्वस्त भएको खबर सुन्नासाथ प्रहरीलाई जानकारी गराएको घरधनी गगन बोहराले बताएका छन् । त्यसतर्फ अस्थायी प्रहरी पोस्ट पाटागाउँबाट प्रहरीको टोलि खटीगएको छ ।