काठमाडौंमा आयोजना हुने एक अवार्ड समारोहमा भाग लिन नायिका विपना थापा बिहिबार बेलुकी नेपाल आएकी छिन्। उनी बिहे गरेपछि भारतमा बस्दै आएकी थिइन्।
केही समय पछि नेपाल आएकी विपनाले विमानस्थलमा पत्रकारहरूसँग कुराकानी गर्दै आफूलाई सबैथोक नेपाल देशले नै दिएको भन्दै कहिलेकाही सबै कुरा छाडेर नेपाल फर्किन मन लाग्ने कुरा व्यक्त गरिन् ।
अब भने आफूले निरन्तर फिल्ममा काम गर्ने बताएकी छिन् ।छोरा पनि ठूलो भइसकेकाले काम गर्न अप्ठ्यारो नहुने र धेरै व्यस्त पनि नरहेको बताइन् । विपनाले फिल्म ‘ह्रस्व दीर्घ’ साइन गरेकी छिन् । यो फिल्मको छायांकनमा धमाधम भइरहेको छ ।
विपनाले अरु केही फिल्ममा पनि कुरा भैरहेकाले आफूलाई सुहाउँदो भूमिका आएको खण्डमा काम गर्ने बताएकी छिन् ।
‘स्पर्श म्युजिक भिडियो अवार्ड’मा विपनालाई सम्मान गर्ने कार्यक्रम छ । सोही अवार्डका लागि विपना नेपाल आएकी हुन् ।
