झरना थापाको निर्देशनमा बन्ने नयाँ चलचित्र ‘भगवत् गीता’मा नायक बिपिन कार्की अनुबन्धित भएका छन् । यसअघी यो भूमिकामा नायक सौगात मल्ललाई अफर गरिएको थियो तर सौगातको समय नमिल्ने भएपछी बिपिनलाई फाइनल गरिएको हो ।
सुहाना इन्टरटेनमेन्टको ब्यानरमा निर्माण हुने यस चलचित्रमा धिरज मगर र सुहाना थापा पनि मुख्य भूमिकामा देखिनेछन् । माघ २० गतेबाट छायांकनमा जाने यस चलचित्रलाई आगामी बैशाख १ गते रिलिज गर्ने निर्माता सुनिल कुमार थापाले जानकारी गराएका छन् । जनकपुर, दार्चुला र मनाङ आसपासमा छायांकन हुने चलचित्रमा सञ्जय लामाको छायांकन, साहिल खानको सम्पादन, रामजी लामिछानेको कोरियोग्राफी रहनेछ ।