पछील्लो समय नायक बिपिन कार्कीले धमाधम चलचित्र साइन गरिरहेका छन् । ‘भष्मे डन’ र ‘भगवत् गीता’ पछी उनी कमेडी जनरामा बन्ने नयाँ चलचित्र ‘चलचित्र’मा अनुबन्धित भएका छन् । ‘हरि’ फेम्ड निर्देशकद्वय सफल केसी र प्रतीक गुरुङको निर्देशनमा बन्ने यस चलचित्रमा बिपिनसँगै अर्पण थापाले पनि खेल्ने पक्का भएको छ ।
निकुन श्रेष्ठ र सुशान्त श्रेष्ठको संयुक्त निर्माण रहने चलचित्रमा नेपालमा फिल्म बनाउन मेकरले गर्नुपर्ने संघर्षको कथा हुनेछ । रेजोनेटिङ पिक्चर्ससँगको सहकार्यमा मनराम ग्रुप र मन प्रोडक्सनको ब्यानरमा चलचित्र बन्नेछ । यस चलचित्रको चैतबाट छायांकन सुरु गर्ने तयारी गरिएको छ ।