लोकप्रिय संगीतकार अर्जुन पोखरेलको शब्द तथा संगीतमा तयार भएको गीत ‘लैजा सन्देश’ सार्वजनिक भएको छ । गीतमा समीक्षा अधिकारीको स्वर रहेको छ ।
गीतले एकतर्फी मायाको भावनालाई अभिव्यक्त गरेको छ ।पोखरेलले नै लेखेका शब्दले समीक्षाको वर्तमान जिन्दगीका केही भावनाको प्रतिनिधित्व गरेझैँ लाग्छ ।
गीतको भिडियो सामान्य रुपमा बनाइएको छ । गीत रेकर्ड गरिएको समयमा खिचिएका फुटेजलाई नै भिडियोको रुप दिइएको छ ।
पछिल्लो समय भिडियोमा लाखौँ खर्च गरेका भन्दा यसरी नै रेकर्डिङ स्टुडियोमा गरिएका गीतले राम्रो दर्शक पाउन थालेका छन् त्यही अनुसार संगीतकार अर्जुन पोखरेलले पनि यही शैली अपनाएका छन् ।
अर्जुन र समीक्षाले दर्जन बढी गीतमा सहकार्य गरेका छन् । संगीतकार पोखरेलले समीक्षाका लागि तयार गरेको यो १३ औँ गीत भएको जानकारी गराए ।
तस्विर: विकाश सुबेदी